Cofnodion cryno - Y Pwyllgor Deisebau

Lleoliad:

Ystafell Bwyllgora 1

Dyddiad: Dydd Llun, 18 Mawrth 2024

Amser: 14.00 - 14.43
Gellir gwylio’r cyfarfod ar Senedd TV yn:
http://senedd.tv/cy/13740

Hybrid

------

Yn bresennol

Categori	Enwau
Aelodau o’r Senedd:	Jack Sargeant AS (Cadeirydd) Peredur Owen Griffiths AS Buffy Williams AS Altaf Hussain AS (yn lle Joel James AS)
Tystion:	Gillian Kelly, Transport Scotland Carole Stewart, Transport Scotland Paul White, Cydffederasiwn Cludwyr Teithwyr (CPT) Yr Alban
Staff y Pwyllgor:	Gareth Price (Clerc) Kayleigh Imperato (Dirprwy Glerc)

<AI1>

1 Cyflwyniad, ymddiheuriadau, dirprwyon a datgan buddiannau

Croesawodd y Cadeirydd bawb i’r cyfarfod.

Cafwyd ymddiheuriad gan Joel James AS.

Roedd Altaf Hussain AS yn bresennol yn y cyfarfod, yn dirprwyo ar ran Joel James AS.

Roedd Rhys ab Owen AS yn absennol.

</AI1>

<AI2>

2 Sesiwn dystiolaeth - Trafnidiaeth gyhoeddus am ddim i bobl ifanc

Clywodd y Pwyllgor dystiolaeth gan Carole Stewart a Gillian Kelly o Transport Scotland a Paul White o Gonffederasiwn Cludiant Teithwyr yr Alban.

</AI2>

<AI3>

3 Deisebau newydd

</AI3>

<AI4>

3.1 P-06-1395 Atal datblygiadau newydd sylweddol ar Safle o Ddiddordeb Gwyddonol Arbennig Gwastadeddau Gwent

Trafododd y Pwyllgor y ddeiseb a chytunodd i ysgrifennu at y Gweinidog Newid Hinsawdd i ofyn nifer o gwestiynau penodol a godwyd gan y deisebwyr ac Aelodau’r Pwyllgor, cyn penderfynu a ddylid cymryd unrhyw gamau pellach mewn perthynas â’r ddeiseb.

Cytunodd yr Aelodau i anfon y llythyr at y Gweinidog ar ôl i drafodion cyfnod 3 Bil Seilwaith (Cymru) gael eu cynnal yn y cyfarfod llawn (19 Mawrth 2024).  

</AI4>

<AI5>

3.2 P-06-1404 Cynyddu eglurder a hawliau’r rhai sy’n cael taliadau uniongyrchol neu Grant Byw’n Annibynnol Cymru er mwyn iddynt fyw'n annibynnol

Trafododd y Pwyllgor y ddeiseb a nododd fod disgwyl i ddeddfwriaeth ar ofal cymdeithasol gael ei chyflwyno ar ôl y Pasg. Yng ngoleuni hyn, cytunodd yr Aelodau i ysgrifennu at Gadeirydd y Pwyllgor Iechyd a Gofal Cymdeithasol i godi ymwybyddiaeth o'r materion a amlinellwyd yn y ddeiseb a rôl bosibl y Bil wrth fynd i'r afael â hwy.

</AI5>

<AI6>

3.3 P-06-1406 Cosbau ariannol i Awdurdodau Addysg Lleol nad ydynt yn cydymffurfio â'r amserlenni ar gyfer Anghenion Dysgu Ychwanegol.

Trafododd y Pwyllgor y ddeiseb a chytunodd i godi'r materion a amlinellwyd yn ystod dadl y Pwyllgor Deisebau sydd i ddod ar P-06-1392 Diwygio Cod Anghenion Dysgu Ychwanegol Cymru 2021.

At hynny, cytunodd yr Aelodau i dynnu sylw Cadeirydd y Pwyllgor Plant, Pobl Ifanc ac Addysg at y ddeiseb.

</AI6>

<AI7>

3.4 P-06-1408 Dylid gwneud y mynediad i Ardd Gudd A4042 Goetre Fawr yn ddiogel ar gyfer cerddwyr a cherbydau

Trafododd y Pwyllgor y ddeiseb a chroesawodd y datblygiad o gynnal astudiaeth ddichonoldeb gyda'r bwriad o wneud y gwelliannau y tynnwyd sylw atynt yn y ddeiseb. Yn sgil hyn, cytunodd yr Aelodau i gau'r ddeiseb a llongyfarch y deisebydd.

Cytunodd yr Aelodau hefyd i anfon y pwyntiau a'r cwestiynau pellach a godwyd gan y deisebydd at y Dirprwy Weinidog Newid Hinsawdd ac anfon copi at yr awdurdod lleol.

</AI7>

<AI8>

4 Y wybodaeth ddiweddaraf am ddeisebau blaenorol

</AI8>

<AI9>

4.1 P-06-1326 Dylai'r Senedd graffu ar y sgandal mesuryddion rhagdalu yng Nghymru

Trafododd y Pwyllgor y ddeiseb a nododd yr ymatebion a ddaeth i law gan Lywodraeth Cymru ac Ofgem, ac y bydd y Senedd yn trafod adroddiad y Pwyllgor ar 1 Mai 2024.

</AI9>

<AI10>

4.2 P-06-1359 Dylid cynnig yr un cymorth ariannol ar gyfer gofal plant i rieni sy'n gweithio yng Nghymru â'r hyn sydd ar gael yn Lloegr

Trafododd y Pwyllgor y ddeiseb ochr yn ochr â P-06-1362 Dylid darparu cynnig cyfatebol yng Nghymru i’r cynnig gofal plant newydd yn Lloegr, sef 15 awr, ar gyfer plant 2 flwydd oed o fis Ebrill 2024 a nododd y ddadl yn y Senedd a glywodd bryderon rhieni ledled Cymru.

Yn sgil y ddadl ac ymateb y Gweinidog, cytunodd yr Aelodau i gau’r ddeiseb a diolch i’r deisebwyr am godi’r mater pwysig.

Yn ogystal â chau’r ddeiseb, cytunodd y Pwyllgor i barhau i frwydro dros hawliau rhieni sy’n gweithio ledled Cymru, yn rhinwedd eu rôl fel Aelodau unigol o’r Senedd.

</AI10>

<AI11>

4.3 P-06-1362 Dylid darparu cynnig cyfatebol yng Nghymru i'r cynnig gofal plant newydd yn Lloegr, sef 15 awr, ar gyfer plant 2 flwydd oed o fis Ebrill 2024

Trafododd y Pwyllgor y ddeiseb ochr yn ochr â P-06-1359 Dylid cynnig yr un cymorth ariannol ar gyfer gofal plant i rieni sy'n gweithio yng Nghymru â'r hyn sydd ar gael yn Lloegr a nododd y ddadl yn y Senedd a glywodd bryderon rhieni ledled Cymru.

Yn sgil y ddadl ac ymateb y Gweinidog, cytunodd yr Aelodau i gau’r ddeiseb a diolch i’r deisebwyr am godi’r mater pwysig.

Yn ogystal â chau’r ddeiseb, cytunodd y Pwyllgor i barhau i frwydro dros hawliau rhieni sy’n gweithio ledled Cymru, yn rhinwedd eu rôl fel Aelodau unigol o’r Senedd.

</AI11>

<AI12>

4.4 P-06-1369 Defnyddiwch enwau Cymraeg yn unig ar gyfer lleoedd yng Nghymru

Trafododd y Pwyllgor y ddeiseb a chytunodd i ysgrifennu at Weinidog y Gymraeg ac Addysg i ofyn am ragor o fanylion am waith ac adroddiadau ar y goblygiadau o ran defnyddio enwau lleoedd Cymraeg ac unrhyw argymhellion a wnaed ac amserlenni ar gyfer gweithredu.

</AI12>

<AI13>

5 Cynnig o dan Reol Sefydlog Rhif 17.42(ix) i benderfynu gwahardd y cyhoedd o weddill y cyfarfod

Derbyniwyd y cynnig.

</AI13>

<AI14>

6 Trafod y dystiolaeth

Trafododd y Pwyllgor y dystiolaeth a glywyd.

</AI14>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>